ഒരു കുഞ്ഞു കാപ്പി കഥ | Happy Wedding Anniversary Acha Amma

 പണ്ട് wedding anniversary ആഘോഷിക്കുന്നതിനെ പറ്റി ചോദിക്കുമ്പോൾ; അമ്മ പറയ്യാ, 'അച്ഛൻ കാപ്പി മേടിച്ചു തന്നു എന്നാണ്'.

ഒരു കാപ്പിയിൽ ഇതിനും മാത്രം എന്തിരിക്കുന്നു ,എന്ന് ഞാൻ പലപ്പോഴും ആലോചിച്ചിട്ടുണ്ട് . 

[ഒരു കാപ്പിയിൽ പലതും ഉണ്ട് എന്ന് പിന്നീട് ഞാൻ മനസ്സിലാക്കി. അത് മറ്റൊരു സത്യം ]

പിന്നീട്, ഞങ്ങൾക്ക് പ്രായം ആയി കഴിഞ്ഞ്. എപ്പോഴൊക്കെ, 'wedding anniversary അല്ലെ അച്ഛൻ കാപ്പി മേടിച്ചു തന്നോ എന്ന് ചോദിച്ചാലും . '

അമ്മ ചൂടാവും.. 

" അഹ് ഈ വയസാം കാലത്തല്ലേ ഇനി wedding anniversary ആഘോഷിക്കുന്നത് . ഒന്ന്  പോടാ ചെക്കാ "

എന്റെയും ചേച്ചിയുടെയും കാര്യങ്ങൾക്ക് വേണ്ടിയുള്ള ഓട്ടത്തിൽ ആ ആഘോഷം പതിയെ നിന്നു.

ഇന്നലെ വിളിച്ചപ്പോൾ ഞാൻ അമ്മയോട് ചോദിച്ചു, ' അമ്മേ അപ്പോൾ എങ്ങനാ അച്ഛൻ കാപ്പി മേടിച്ചു തരുമോ ഈ തവണ.'

അമ്മ : 'അതെന്താ പെട്ടന്ന് കാപ്പി ' 🙄,

ഞാൻ : 'അല്ല, wedding anniversary. അല്ലെ'.

അമ്മ : 'അഹ് ശരിയാണ്, നോക്കാം മേടിച്ചു തരുമോന്ന് '. 

ഈ കാപ്പി കഥ തുടങ്ങിയിട്ട് ഇന്നേക്ക് 31 വർഷം ആകുന്നു . 

ഈ തവണ കാപ്പി കിട്ടിയോ എന്ന് വൈകിട്ട് ചോദിക്കണം 

വിവാഹ വാർഷിക ആശംസകൾ, അച്ഛാ , അമ്മേ....